Paytm क्या है?? Paytm details in hindi kaise account banaye aur upyog kaise kare

PayTM details in hindi : Jab se demonetization ho gaya tab se rokad ki kami sabhi ko mehsoos hoti hai, khaas kar ke aam aadmi ko. Ek baaju sabji wale aur dukan wale ko rokad chukana padta hai aur doosri baaju ATM me rokad hota nahin hai aur bank me lambi line lagi hoti hai. Aise me Paytm aam admi ko aur dukandaro ke liye batua ban gaya hai. Paytm hai kya? Kaise is ka upyog kare? Aage padhiye, jaaniye aur apnaye is suvidha ko.
Paytm kya hai???

Paytm aise to ek online ecommerce site hai aur saath me ek payment provider hai ecommerce vyapari ke liye. Pehle yeh company ne ecommerce vyapari ko payment paane ki suvidha shuru kee jo websites dwara, mobile web aur mobie app aur SMS dwara paaya jaa sakta hai. Fir unhone 2015 me cashless payment suvidha QR code dwara shuru kiya aur unka digital wallet suvidha shuru kiya. Vyapari online payment paa sakta hai paytm dwara aur paytm dwara koi bhi grahak kisi bhi vyapari ko payment kar sakta hai surakshit tarike se. Vyapari ko us ke digital wallet yane digital batua me paisa jama hota hai jo voh bank account me transfer kar sakta hai. Grahak us ke digital wallet me se koi bhi cheez ki kharidi ka payment kar sakta hai vyapari ke khaate me. Aaj ke rokad ki takleef me Paytm ki suvidha apnaye aur kahin par bhi aasaani se payment chukaye. Padhte rahiye aage ki kaise kare. 

Paytm ke liye kya chahiye ?

Paytm ka digital wallet use karne ke liye nimn likhit chahiye:

1.     Smartphone jis me internet suvidha ho
2.     Bank account aur net banking/debit/credit card suvidha

Agla kadam...

1. Ab aap jaaye www.paytm.com ke website par.
2. Yahan se paytm app download kare aur install kare
3. App launch kare
4. Register kare jis me aap ko aap ke details bharne hai screen par form dikhai deta hai us me. Khaas kar ke aap ko apna mobile number bhi dena hai, vohi mobile number jo aap ke smartphone ka hai jahan par se aap paytm wallet suvidha ka upyog karenge.

Yaad rakhna hai ki desktop computer par se paytm website par jaaye to register karna hoga aur mobile par se kare to mobile number ya email id daalna hai aur ek password dena hai. Is ke baad continue button par tap kare.

• Paytm ab aap ko aap ke mobile number par code bhejega. Yeh verification code  code confirmation ki khaali jagah me daale.
• Ab aap apne profile banaye aur email id bhi bhar de.
• Ab aap ka Paytm khaata taiyar ho gaya.

Paytm ke wallet me paise kaise bhare .?

Paytm ke wallet me paise bharne ke liye aap ko net banking, credit card ya debit card ki suvidha hona chahiye.

  1.)  Paytm app launch kare.

  2.) “Add Money” button par tap kare. Yeh icon paytm homepage par hai. 

  3.) Khaali jagah me jitni rakam chahe utni aap ke wallet me bharne ke liye likhe. 

  4.) Agar aap ko koi promo code mila hai SMS dwara aap ke mobile par to yeh promo code ya voucher code jagah me bhar de. 

  5.)  Agar promo code nahin hai to “Proceed to pay Rs…..” par tap kare ya click kare. 

  6.) Debit/credit card ya net banking dwara payment ka process complete kare. Is me aap ka debit ya credit card number, CVV number daalna hai aur aap ko one time password mobile sms me mile voh bharna hoga. 

  7.) Aap ke Paytm wallet me utni rakam ab jama hai.

Desktop ya laptop computer se paytm website access kare to pehle aap ko login karna hai aur fir paytm wallet par click kare aur baad me aage ki karyavahi kare.
Paytm kahan par upyog ho sakta hai?

Paytm ke digital wallet me aap ka paisa jama hai. Yeh kahan par aap upyog kar sakte hai?

•     DTH, telephone bill aur mobile recharge ke liye
•     Koi bill jaise electricity aur gas bill payment ke liye
•     Kisi bhi dukan me ya mall me payment kare
•     Kisi aur vyakti ko payment karna hai ya paise udhar dena hai.

Paytm Wallet me se bank khaate me payment kaise kare?

Kisi ko payment karna hai to us ka naam aur bank details hona jaroori hai. Payment is prakar kare:

1.     Aap ke mobile me paytm app chalu kare ya computer par paytm website par jaaye.
2.     Side me bank  ya passbook likha hoga ya icon hoga. Us par click kare ya tap kare.
3.     Ab “send money to bank” par tap ya click kare
4.     Ab aap “transfer” par tap ya click kare.
5.     Form dikhai dega screen par jis me aap ko bharna hai bank account number, khatedar ka naam, IFSC code, aur rakam.
6.     Ab send par click kare ya tap kare aur thode seconds me aap ko confirmation message milega ki transfer successful ho gaya hai.

Is tarah payment karne ke liye paytm wallet me kam se kam Rs 104 hona jaroori hai aur aap ke is transaction par paytm 4% charge lagayega. Rs 100 send kiya to Rs 4 aur paytm lega.

Isi tarah agar mobile recharge karna hai to mobile recharge button par tap kare aur aage ki karyavahi kare. DTH ke liye DTH, aadi, aadi.
Ek paytm wallet se doosri paytm wallet ko kaise paise bheje

Mobile me app launch kare.

    Ab Mobile number par tap kare ya click kare.
    Jis ko paise bhejna chahe us ka mobile number khaali jagah me bhar de.
    Ab rakam ke jagah par rakam bhare aur kis cheez ke liye paise bhejte hai us ke baare me kuch likhe.
    Ab “send” par tap kare ya click kare aur pay kare.

Maryadit samay ke liye ek paytm wallet se doosre paytm wallet ko paise transfer kiye to koi charge nahin hai.

31 December 2016 se phle tak bank me paise transfer karte to koi charges lagu nahin tha aur baad me KYC documents submit kiya hai un ko 1% aur jo non-KYC hai un ko 4% charge lagega.

Agar aap jis ko payment karna chahte hai us ke paas paytm wallet hai to aasaan hai. Nahin hai aur bank account hai to bhi aap us ke bank ke khaate me paisa jama kar sakte hai. Mobile recharge ke liye ghar baithe hee aap koi bhi mobile operator ko direct recharge ke paise bhar sakte hai. Is me fayda yeh hai ki promo code milta hai jis se har Rs 100 ke recharge par Rs 25 ka cashback ka offer hai aur voh 3 baar recharge tak valid hai. Is ke alava aise cashback offers aur bhi hai naye grahako ke liye.

Dosto., Ye post aapko kaisa lga., please apna feedback cooment me zarur de., or agar aapke pas bhi koi intresting valuble hindi post hai to hme email me bheje, hum aapke post ko HindiBhandar me shamil krenge.. Thank you. :)

TAGS : #paytm se paise kaise kamaye #paytm hindi meaning #paytm kaise use kare #paytm offers in hindi #paytm details in hindi #how to create paytm account in hindi #hindi paytm #how to use paytm wallet in hindi #paytm par account kaise banaye

Paypal par account kaise banaye aur verify kaise kare

Aap ne online dekha hi hoga ki PayPal se log payment kar sakte hai aur payment paa sakte bhi hai. To yeh PayPal kya cheez hai? Kya aap ka bank account/credit-debit card kaafi nahin hai payment paane ke liye aur payment karne ke liye?

PayPal aise ek service hai jo aap ke aur bank ke beech mein rehta hai aur payment bhejne ke liye aur paane ke liye kaam mein aata hai. Sabse bada fayda yeh hai ki agar koi aap ko payment bhejta hai to use aap ka bank account ki koi jaankari nahin hoti hai. 

Agar aap kisi ko payment karenge to voh bhi aap ka credit card ya bank account ke baare mein kuch nahin jaan sakta hai. PayPay payment karne ke liye aur paane ke liye ek beech ka agency hai jo bilkul secure aur safe hai. Agar aap foreign company ke liye kaam karna chahe online to paypay account ho to aap ko paypal dwara payment aap ke bank account mein jama hoga. Magar paypay account kaise banaye?  Yeh hum aap ko batate hai how to make a paypal account in hindi.

Paypal account ke prakar

How to make paypal account ka process shuru karne se pahle yeh jaane ki paypal ke 3 prakar ke account hai. Ek hai personal, doosra hai premier and teesra hai business. Personal account mein aap payment paa sakte hai aur bhej sakte hai magar online vyapar ke liye suvidhi seemit hai. Premier account mein yeh sabhi suvidha to hai aur aap Ebay par bhi merchant account khol ke payment PayPal dwara paa sakte hai. Credit aur debit card ki bhi suvidha premier account mein dee gayi hai. Business account mein premier account jitne fayde hai aur oopar se yeh multi user access allow karta hai. Aap chahe to ek personal account aur ek premier ya business account alag se maintain kar sakte hai. Account kholne ke liye aap ko koi payment nahin dena hai.

Agar aap ko koi payment paypal dwara bhejta hai to paypal khud ka service charge aap ke payment se deduct kar ke baad mein aap ke bank account ko transfer karega. Agar aap ne paypal dwara kisi ko payment kiya to bhi PayPay ke service charges aap ko pay karna hoga. Aise to duniya mein khareedi karne ke liye aur payment bhej ne ke liye log PayPal ka upyog karte hai magar aap ko foreign paise bhejna hai ya foreign se koi cheez kharidna ho to India se yah kaam shayad mushkil hai kyon ki Reserve Bank of India ke niyam laagu hote hai. 

Paypal account ke liye jaroori

Ab aap jaaniye how to make paypal account. Is se pehle yeh aap taiyar rakhe:

•     Bank account hona jaroori hai
•     PAN Card hona jaroori hai
•     Email address hona jaroori hai
•     Address aur phone number taiyar rakhe.

Paypal par account set up kare is prakar se,

•     Aap ke computer mein browser launch kare.
•     Address bar mein http://www.Paypal.com type kare.
•     Paypal.com ka site khulega
•     Is mein aap “Signup” button par click kare.

Form fill kare

Ab ek form khulega

1. Is form ko bhar de aur aap ne jo password likha hai us ko upper ya lower character, jis mein bhi likha hai vaise hi aap apne diary mein note kare.
2. Kaunse details daalen hai?
3. Sabhi details jo form mein dikhaya hai aap ko submit karna hai jaise ki naam, address, mobile number,ATM Card, email ID aur password. Password yaha par aap ka email id ka password nahin hona chahiye. Koi alag hi password chune.
4. Ab aap “agree and create account” par click kare

Security challenge

Ab ek page khulega  jis mein hoga security challenge.

•     Jo image mein security code dikhta hai usi code ko aap ko khaali jagah mein type karna hoga.
•     Ab aap Continue button pe click kare.

Ab aap ka PayPal Account set up gaya hai. Welcome page khulega.

•     Is mein ek button hai “Confirm email”. Is par click kare.
•     Ab ek aur page khulega
•     Is mein aap ko Paypal ke liye jo password select kiya hai use enter karna hoga.
•     Ab log in button e click kare.

Security question

Aage aur bhi vidhi hai. Ek aur page khulega jis mei aur details dena hai.

1. Yahan par aap ko security question poochenge jis ko aap apne diary mein note kare. Kabhi bhi password kho jaaye to recover karne ke liye yeh kaam mein aayega.
2. 2 security questions hai. Un ke jawab likhe aur submit button par click kare.

Welcome page

1. Submit click karne par ek aur page khulega. Is mein aap ko aap ke account ke details dikhai denge.
2. Yaha par aap apne details update kar sakte hai.

Account verification

Ab aap apne email mein log in kare. Paypal ne aap ko verification email bheja hoga. Ise open kare and yaha par jo link hai us par click kare. Jaroor hai ki aap kare verify paypal account. Is ke bina aage koi vidhi jahin hoga. Agar aap ne log in bhi kiya to page par message hoga ki aap apna account verify kare isiliye yeh janna jaroor hai How to verify paypal account.

Task board

Is page mein aap apna PAN card ke details submit kare “Start” button click kare.

1.  Is ke neeche hai Bank Account add karne ke liye “start” button.
2.  Is ke neeche “Provide purpose code” hai jo important hai isiliye dhyan se padhe aur kis kaam ke liye aap paypal account khole rahe hai voh chune.
3. Yeh sabhi details dena jaroori hai. Is ke bina Paypay account active nahin hoga aur aap payment aap ke bank account mein nahin receive kar sakenge isiliye yeh steps jaroor complete kare.

Ab aap ka Paypal account set up ho gaya hai. Koi bhi aap ko kahin se bhi paisa bhejega to aap paypal par login kar ke dekh sakte hai ki aap ke account mein paisa aaya hai. Paypal immediately paisa aap ke bank account mein transfer karega aur us mein us unke charges deduct kar lenge.

Dosto., Ye post aapko kaisa lga., please apna feedback cooment me zarur de., or agar aapke pas bhi koi intresting valuble hindi post hai to hme email me bheje, hum aapke post ko HindiBhandar me shamil krenge.. Thank you. :)

TAGS : #paypal par account kaise banaye #how to make paypal account in hindi #how to make a paypal account in hindi #how to verify paypal account in hindi

Youtube Se Video Kaise Download Karte Hain

Youtube se video download karne ka tarika :- Youtube video ke liye shayad sabse popular online channel hai. Yahan par aap ko har tarah ke video paye jayenge. Entertainment se leke talk shows ke video milenge. Kisi ne personal video shoot kiya hai to lakho aise video aap ko milenge. Instructional videos aur educational videos ki kami nahi hai YouTube par. Dekhna ek baat hai magar aap ko agar yeh download karna hai to aap apna sir khujalte reh jaayenge ki youtube se video download kaise kare. 

Sir khujalne ki jaroorat nahin hai na to hath mein hath rakh ke baith jaane ki jaroorat hai. Aap youtube se video download karna chahe to kai aise utility hai aur browser plug ins hai jo aap download kar sakte hai. Yeh browser ke upar ke toolbar mein dikhai denge. Jo bhi video chal raha hai voh aap ke computer mein save ho jaayega. Ek aise utility hai youtubedownloader. Doosra hai Ummy Video Downloader. Agar aap khush ho rahe hai ki aap ka samasya door ho gaya to sahi hai. Youtube se video download kaise kare in hindi aap ne jaan liya. Magar jab aap youtube se video download karna chahe apne mobile mein to yeh plugin shayad na bhi chale. Ab aap jahan the vahin par aa ke ruk gaye ki youtube se video download kaise kare apne mobile mein. Kay aisa koi raasta nahin hai ki plug in ya aur koi aap bina direct hi Youtube se video download ho?

Upar vaale ne aap ki sun li hai. Ab aap bina aur koi software ya app ke youtube se video directly download kar sakte hai. Yeh karne ka bilkul aasaan tarika hai. Neeche bataye steps follow kare.

Step 1 : Youtube Se Video Kaise Download Karte Hain

1. Youtube.com browser mein type kar ke youtube chalu kare.
2. Aap chahe us category mein search kare ya to search box mein aap ke pasand ka video topic likhe. Agar aap hindi film song dekhna aur download karna chahte hai to yeh type kare.
3. Ab youtube mein list dikhai dega kai videos ke.
4. Ek ko chun le aur click kare.

Step 2 : Youtube Se Video Kaise Download Karte Hain

1.     Youtube mein aap ne jo video select kiya hai voh play hoga.
2.     Ab aap browser ke address bar mein jaaiye.

Neeche ek example diya hai sadharan link ka jo address bar mein dikhai dega:

https://www.youtube.com/watch?v=_kgRFHaNo-Y

Step 3 : Youtube Se Video Kaise Download Karte Hain

Ab address bar mein  https://www.youtube... Jo likha hai us mein www aur youtube ke beech mein “ss” type kare. Enter kare ya mouse se click kare.
Youtube ka page reload hoga aur address bar mein  kuch aisa dikhega:

http://en.savefrom.net/#url=http://youtube.com/watch?v=_kgRFHaNo-Y&utm_source=youtube.com&utm_medium=short_domains&utm_campaign=www.ssyoutube.com

• neeche page mein ek box mein video ka original link dikhai dega.
• Us ke neeche ek button dikhai dega jis mein likha hoga “Download”
• Is ke side mein video format selection ka option hai. Aap ko mp4 ya 3gp ya flv format, jo bhi pasand ho, voh select kare.
• Is ke side mein selection option hoga. Aap HD ya mp3 (only audio) mein se koi bhi ek chune.
• Ab “download” button par click kare.

Aap ka manpasand video aap ke device mein download ho ke save ho jaayega.

Yeh hai simple tip youtube se video kaise download kare in hindi. Enjoy kare.

Dosto., Ye post aapko kaisa lga., please apna feedback cooment me zarur de., or agar aapke pas bhi koi intresting valuble hindi post hai to hme email me bheje, hum aapke post ko HindiBhandar me shamil krenge.. Thank you. :)

TAGS : #youtube se video kaise download kare #youtube se video download kaise kare #youtube se download kaise kare #video download kaise kare #youtube se video kaise download karte hai #youtube se video download karne ka tarika #song download kaise kare #video song download kaise kare #free download youtube downloader #free downloading youtube software