Youtube Se Video Kaise Download Karte Hain

Youtube se video download karne ka tarika :- Youtube video ke liye shayad sabse popular online channel hai. Yahan par aap ko har tarah ke video paye jayenge. Entertainment se leke talk shows ke video milenge. Kisi ne personal video shoot kiya hai to lakho aise video aap ko milenge. Instructional videos aur educational videos ki kami nahi hai YouTube par. Dekhna ek baat hai magar aap ko agar yeh download karna hai to aap apna sir khujalte reh jaayenge ki youtube se video download kaise kare. 

Sir khujalne ki jaroorat nahin hai na to hath mein hath rakh ke baith jaane ki jaroorat hai. Aap youtube se video download karna chahe to kai aise utility hai aur browser plug ins hai jo aap download kar sakte hai. Yeh browser ke upar ke toolbar mein dikhai denge. Jo bhi video chal raha hai voh aap ke computer mein save ho jaayega. Ek aise utility hai youtubedownloader. Doosra hai Ummy Video Downloader. Agar aap khush ho rahe hai ki aap ka samasya door ho gaya to sahi hai. Youtube se video download kaise kare in hindi aap ne jaan liya. Magar jab aap youtube se video download karna chahe apne mobile mein to yeh plugin shayad na bhi chale. Ab aap jahan the vahin par aa ke ruk gaye ki youtube se video download kaise kare apne mobile mein. Kay aisa koi raasta nahin hai ki plug in ya aur koi aap bina direct hi Youtube se video download ho?

Upar vaale ne aap ki sun li hai. Ab aap bina aur koi software ya app ke youtube se video directly download kar sakte hai. Yeh karne ka bilkul aasaan tarika hai. Neeche bataye steps follow kare.

Step 1 : Youtube Se Video Kaise Download Karte Hain

1. Youtube.com browser mein type kar ke youtube chalu kare.
2. Aap chahe us category mein search kare ya to search box mein aap ke pasand ka video topic likhe. Agar aap hindi film song dekhna aur download karna chahte hai to yeh type kare.
3. Ab youtube mein list dikhai dega kai videos ke.
4. Ek ko chun le aur click kare.

Step 2 : Youtube Se Video Kaise Download Karte Hain

1.     Youtube mein aap ne jo video select kiya hai voh play hoga.
2.     Ab aap browser ke address bar mein jaaiye.

Neeche ek example diya hai sadharan link ka jo address bar mein dikhai dega:

https://www.youtube.com/watch?v=_kgRFHaNo-Y

Step 3 : Youtube Se Video Kaise Download Karte Hain

Ab address bar mein  https://www.youtube... Jo likha hai us mein www aur youtube ke beech mein “ss” type kare. Enter kare ya mouse se click kare.
Youtube ka page reload hoga aur address bar mein  kuch aisa dikhega:

http://en.savefrom.net/#url=http://youtube.com/watch?v=_kgRFHaNo-Y&utm_source=youtube.com&utm_medium=short_domains&utm_campaign=www.ssyoutube.com

• neeche page mein ek box mein video ka original link dikhai dega.
• Us ke neeche ek button dikhai dega jis mein likha hoga “Download”
• Is ke side mein video format selection ka option hai. Aap ko mp4 ya 3gp ya flv format, jo bhi pasand ho, voh select kare.
• Is ke side mein selection option hoga. Aap HD ya mp3 (only audio) mein se koi bhi ek chune.
• Ab “download” button par click kare.

Aap ka manpasand video aap ke device mein download ho ke save ho jaayega.

Yeh hai simple tip youtube se video kaise download kare in hindi. Enjoy kare.

Dosto., Ye post aapko kaisa lga., please apna feedback cooment me zarur de., or agar aapke pas bhi koi intresting valuble hindi post hai to hme email me bheje, hum aapke post ko HindiBhandar me shamil krenge.. Thank you. :)

TAGS : #youtube se video kaise download kare #youtube se video download kaise kare #youtube se download kaise kare #video download kaise kare #youtube se video kaise download karte hai #youtube se video download karne ka tarika #song download kaise kare #video song download kaise kare #free download youtube downloader #free downloading youtube software

Online Shopping Kaise Kare aur kaha kare yaha padhe

Online shopping kaise kare : Aap ko yeh to maalum hoga ki online shopping toofan ki tarah aage badh rahi hai. Is ke kai karan hai. Online shopping mein aap ko keemat kam chukani padegi. Jitni variety online stores mein milte hai voh aap ko pas ke dukan ya mall mein nahin milega. Online shopping raat ke 12 baje bhi aap ghar mein baithe kar sakte hai. Mujhe maalum hai maine amazon par ek camera lens ka order diya raat ke 12 baje aur unhone ke raat ke 1.30 baje dispatch ke liye taiyar bhi kar diya. 

Na to dhoop mein bahar jaane ki jaroorat hai na to line mein khade rehne ki na to saman utha ke ghar lane ki ya samay barbad karne ki. Ghar baithe har ek cheez aap ko mil jaata hai. Yeh hai online shopping ka kamal. Aap ne online shopping agar shuru nahin kiya hai to shuru kare. Kya online shopping kaise karte hai yeh aap ko malum nahin hai? Kya aap janna chahte hai online shopping kaise kare? To padhiye yeh online shopping kaise kare tips in Hindi.

Kaise kare online shopping and kahan kare online shopping yeh prashn to aap ko satate honge. Online shopping sites to hazaro honge. Yaha India mein aap ko shopping karna hai isiliye sirf Indian sites jahan par aap Indian rupees may pay kar sakte hai aise sites ko chunna hai. Popular sites yeh hai:

•     Amazon.in
•     Flipkart.com
•     Pepperfry.com
•     Jabong.com
•     Myntra.com
•     Homeshop18.com
•     Shopping.rediff.com
•     Infibeam.com
•     Shopclues.com
•     Snapdeal.com
•     Shopping.indiatimes.com
•     Croma.com
•     Koovs.com
•     Lenskart.com
•     Yepme.com
•     Ebay.in
•     Naaptol.com
•     Yebhi.com
•     Futurebazaar.com

Online shopping karne se pehle

•     Ek baat dhyan mein rahe ki kai sites hai voh fashion garments par jyaada focus karte hai. Kai sites home furniture aur accessories ke liye jaane maane ho gaye hai. Kai sites mein aap ko mobile products achche milenge. Kai aise sites hai jaise ki cart2india.com jo foreign se cheez kharid ke aap ko pahunchayenge. 
•     Doosri baat yeh dhyan mein rakhe ki sabhi sites par ek hi product ka ek hi price nahin hota hai isiliye aap ko kai sites visit kar ke best price jaanna hai. Aisa karna time consuming hai isiliye comapreraja.in, compare.buyhatke.com, pricedekho.com aur where2shop.in jaise sites par pehle search kare. Yeh price comparison sites hai aur vahan par aap koi bhi product alag alag shopping site par kis price mein bikta hai voh janne ko milega.
•     Teesri baat yeh hai ki sirf reputed site par se hi kharidi kare kyonki aaj kal original ke badle duplicate ya used ya repaired product bhi aap ko mil sakta hai jab aap ne order diya hai naye product ke liye.
•     Chauthi baat dhyan mein rakhna hai ki pehle terms and conditions padhe, khaas kar ke har ek site ka refund policy.
•     Aakhir mein aap local price bhi jaan le. Yun to online price local price se kam hoga magar kai baar aisa hota hai ki chote mote cheez aap ko nazdeek ke dukan mein hi saste mil jayenge aur agar koi problem ho to immediate replacement milta hai jab ki online product ke replacement mein ek week se ek mahina tak nikal jaata hai.

Yeh basic aap ne jaankari paa liya ki online shopping mein kyaa hota hai aur kahan karna behtar hai. Ab bhi aap  jaanna chahte hai ki online shopping kaise kare to aage aage padhte rahiye.

Kya jaroori hai .?

# Aap ke paas fixed address hona jaroori hai.

# Bank mein account hona chahiye. Aap ke paas credit card ya debit card hona chahiye. Agar dono mein se koi bhi nahin hai to aap ne aap ke account mein net banking activate karvana chahiye. Payment karne ke liye credit card, debit card ya net banking avashyak hai. 

# Telephone number

# Email id

Online shopping kaise kare.?

Ab jaaniye online shopping kaise kare in Hindi.
Upar bataye gaye koi bhi site aap select kare aur browser mein khole.
Aap ke paas smartphone hai jis mein internet connection hai to aap us site ka app download kar ke install kar sakte hai ya to phir us site par bhi jaa sakte hai.

Maaniye aap ne ab online shopping website khol diya hai.

•     Kai websites mein categories dikhai denge. Is mein aap click kare.
•     Agar aap ne mobile chuna hai to ab sabhi brand aur keemat ke mobile ka display dikhai dega.
•     Ab aap ko koi ek model pasand aaya hai to aap us par click kare.
•     Ek page khulega jis mein mobile ka photo hoga aur us ka varnan hoga. Keemat bhi likhi hogi.
•     Ek button hoga jis mein likha hoga “add to cart” aur doosra button hoga “buy now”.
•     Agar aap aur doosre product kharidna chahte hai to “add to cart” par click kare. Yeh product chun liya jaayega aur ek side par rakh diya jaayega.
•     Ab aap aur product khareedi kare theek isi tarah.
•     Jab aap ki kharidi khatam ho jaaye to “Proceed to checkout” button par click kare.
•     Agar aap ne sirf ek hi product kharidna hai to “buy now” par click kare.
•     Ek page khulega
•     Is page mein aap ko log in karna hai. Kyonki aap pehli baar kharidi karte hai online to aap ko account create karna hai. Is button par click kare aur jo details maange hai voh provide kare. Aap ka email check kare aur use khole aur us mein verification link par click kare. Ab is online shopping site par aap register ho gaye hai aur baaki ki vidhi aage hogi.
•     Ab aap ko payment karna hai. Agar cash on delivery option hai to payment ki jaroorat nahin hai. Jo payment page khulega us mein aap cash on delivery (COD) option select kare aur aap ka purchase confirm kare. Aap ke email mein mail aayega aap ka order confirmation ka aur invoice ka aur is mein likha hoga aap ko kitna payment karna hai aur product kab tak aap ko milega.
•     Agar payment page mein COD nahin hai to aap credit card ya debit card ya net banking se payment kare. Aisa karne par shopping site aap ko secure site par transfer karega payment  ke liye.
•     Maan le ki aap ne debit card chuna hai. Ab aap ko aap ke paas jis bank ka aur jis company ka credit card hai (maestro/visa/) us ko chunna hai. Aap ke debit card par jo number hai use enter kare. Debit card ke peeche jo number diya hai CVV number use bhi enter kare. Dhyan rakhe ki aisa karne se pehle website ka address check kare Https://  hona chahiya, sirf http:// nahi. https ka matlab hai ki aap ka payment secure hai. Is vidhi mein aap ko message aayega ki website aap ko aap ke bank ke site par transfer karta hai. Yaha par bhi https://  check kare.
•     CVV number daalne par aap ko bank one time password dega. Yeh sms dwara aap ke mobile mein aayega. Payment aage process karne ke liye aap ko OTP ke jagah par yeh mobile sms mein aaya gaya code number dalna hai. Payment success hua to aap ko on screen message dikhai dega ki payment successful hai. Aap ko vapas online shopping site par transfer kar diya jaayega. Aap ke mobile mein bank se bhi sms aayega ki aap ke khaate mein se kitne paise debit hue hai.
•     Email mein mail aayega ki aap ka order kab dispatch hota hai. SMS bhi aayega.
•     Dispatch hone par ek email aayega aur us mein aap ko tracking number diya jaayega.Is ke dwara aap jaan sakte hai ki dispatch ke baad aap ka product kahan par pahuncha hai.

To yeh hai aap ka online shopping kaise kare hindi mein jawab. 

Dhyan rakhe :o

 1.)   Jab product aap ko mile to turant hi check kare ki package damage nahin hai, khula nahin hai aur fata toota nahin hai. 

  2.)  Courier ki hazri mein hi package open kar ke dekhe ki product vahi hai jo aapne order kiya hai aur yeh sahi salamat hai ya nahin. Agar damage hai ya galat product hai to courier to turant vapas kar de. Phone lagake shopping site ko bhi inform kare. Agar COD bheja gaya hai to delivery hi na le aur vapas courier ko de de. 

  3.)  Hamesha safe shopping kare. Is ki jaankari net par milti hai. Ho sake vahan tak sirf reputed online store mein shopping kare.

Dosto., Ye post aapko kaisa lga., please apna feedback cooment me zarur de., or agar aapke pas bhi koi intresting valuble hindi post hai to hme email me bheje, hum aapke post ko HindiBhandar me shamil krenge.. Thank you. :)

व्यक्तित्व विकास : Personality Development Tips in Hindi

Personality Development Tips in Hindi. Kai log personality ka matlab yeh nikalte hai ki aadmi hatta katta ho aur apne powerful personality se logo ko prabhavit kar de. Agar stri hai to voh sundar ho to us ka personality “achcha” maana jaata hai.

Personality sirf dikhava hi nahi hai. Aap kaise doosre logo ke saath pesh aate hai voh bhi aap ke personality ka ek atoot hissa hai aur jyada mahatva lagta hai. Isiliye, aadmi ho ya mahila, jab voh doosre logo ke saath interact karte hai tabhi hum jaan paate hai ki us ka aachar-vyavahar kaisa hai aur yahi aachar-vyavahar hame prabhavit karte hai. Dikhava ke saath apna ap ko sanskari bhi banaye to aap ka personality fully developed mana jayega. To aaiye jaane kaise aap apna personality develop kar sakte hai yeh personality development tips in hindi ke jariye.

   # Dress aur appearance hai bahut zaruri

Koi much bhi kaha magar aap ka dikhava, dress aur appearance logo ko bahut hi prabhavit karta hai pehli nazar mein. Isiliye hamesha saaf, suthre,neat aur stylish kapde pehne. Is ke saath aap apne baalo ko bhi achchi tarah set kare aur chehre par bhi dhyan de. Purusho ko shave karna chaiye aur agar dadhi mooch rakhte hai to achi tarah se trim kare. Yeh personality development tip in hindi bahut hi important hai kyonki “first impressions are lasting impressions”.  Dress aur appearance situation ko anukool banaye yane ki aap office jaa rahe hai to office ke liye suitable poshak pehne aur party mein jaana hai to casual dress pehne. Dress aur style apne personality ko suit ho aisa hi pehne. Aine mein dekhe aur critically examine kare to aap ko pata lagega ki aap ka dress aap ke liye suitable hai ya nahin. 

Dress aur appearance bahut kuch hai personality development ke liye magar sab kuch nahin. Baaki ki baate bhi personality development ke liye itne hi mahatvapoorna hai.

   # Vyavahar ek sarika rakhe

Yeh aksar dekha gaya hai ki insaan jab us se superior position mein jo hai us se baat cheet aur vyavahar karta hai voh bilkul alag hai. Voh ek dum vinamra ban jaata hai. Aur jab voh us se “inferior” vyakti ke saath baatcheet aur vyavahar karta hai to bilkul badal jaata hai. Aisa kyon? Jab bhi aap kisi ke sath baat ya interact kare to respect de bhale us ka position koi bhi ho. Aap respect denge to aap ko respect milega. Politeness sanskaro ka ek lakshan hai.

   # Ego ko ek baaju rakh de

Log apne ego mein itne khoye hote hai ki vyavahar mein aur baato mein yeh bahar jhalak aata hai. Baat kare to bas un ke baare mein aur un ki khasiyat ki hi baate karne mein un ko interest hota hai. Jab bhi aap kisi ke saat baat kare to us vyakti ke interest ki baate kare aur us mein dilchaspi dikhaye to log aap ko like karenge. 

   # Smile karte rahiye

Kisi ko greet kare to smile kare aur baat karte vakt bhi pleasantly baat kare. Kisi ki chidchida svabhav vaala insaan pasand nahin hai.

   # Samtulit rahe

Logo ko apna hi opinion express karne mein dilchaspi hoti hai. Koi apna opinion express kare to us ke contradictory bhi baat karna hai to samtulit tarike se baat prastut kare jis se samne vale ko aisa na lage ki aap un ko galat sabit kar rahe hai. Objectively baat kare. Subjective rehne se tark-vitark khada ho jaata hai. Agar aap ka view opposite ho to bhi samne vale ko us se kya farak padta hai. Baat chit mein samtulit rehne mein aap ka hi fayda hai.

   # Doosro ki baate suniye

Aap kabhi na kabhi aise logo se mile hai jo aap ki baat ko beech mein se hi kaat ke unki hi baat chala chala karenge. Aap ko kaisa feel hua voh aap to jaante hai. Isiliye jab bhi koi kuch bhi baat kehta hai to use poora suniye dhyan se aur respond kare. Agar aap ka raay prastut karna hai to kare magar yeh na kahe ki voh galat hai. Kisi ke saath talmel banana hai to us ki baato mein dilchaspi le aur aise pesh aaye ki aap helpful hai. Yeh aap ke personality development ke liye mahatvapurna tip hai. Agar aap us ki baato mein dilchaspi dikhayenge to kal voh aap ki baat sunega.

   # Body language bahut important hai

Aap ne yeh bhi dekha hoga ki kai logo ko aadat hai ki baat karte samay haat aur pair jyaada hila hila karte hai jo bahut hi annoying sabit ho sakta hai. Isiliye jab bhi aap interact kar rahe hai, khaas kar ke office ke kaamo mein to body language sahi rakhe aur aap ka point emphasize karne ke liye haat jyaada na hilaye. Kai logo ko aadat hoti hai ki alag alag tarah ke expression chehre par laaye. Aisa bhi nahin karna chahiye. Body language aap ke andar ke emotions ke bahari expressions hai. Isiliye jyada hile dule nahin aur relax rahe.

   # Tone pe rakhe khaas dhyaan

Kai logo ko apna point emphasize karna hai to voh apna avaz ooncha bana dete hai aur aisa tone adapt karte hai ki aap ko kaano mein lagta hai. Baato mein narmi aur mithas honi chahiye. Aur bolne ka tone sahi hona chahiye. Aap ko jo kehna hai voh aap shanti aur mithas se kahenge to log prabhavit honge.Doosra aadmi galat ho to voh politely  us ko bataya jaaye to voh bhi kabool kar lega aur use bura bhi nahin lagega. Har ek baat kehne ka alag tarika hai. Gud jaisi meethi tarike se baat kahenge to voh supachya hoga isiliye yeh “graciousness” ka gun paane ke liye apne aap ko train kare.

   # Tali bajane ke liye do haat chahiye

Is ka matlab hai ki aap kisi ko help karenge to koi aap ko help karega. Jab aap apna personality develop kar rahe hai to is mein yeh helpfulness ka dhaga bhi shamil kar de. Agar logo ko aap ki jaroorat hai to voh aap ke bare mein positive sochenge aur aap ko bulayenge aur welcome karenge.

   # Naam rakhe yaad

Jab bhi aap kisi ko milte hai to introduction hota hai. Kisi ka naam hamesha yaad rakhe aur naam se pukare to achcha impression create hoga. Agar naam bhool gaye hai to us vyakti ko phir se poochiye aur naam ka upyog kare.

Doosro mein appreciate karne jaisi baate dekhe aur negative ko nahin

Har ek insaan ko apne baare mein achchi baate hi sunna pasand hai to aap unke koi bhi point ko appreciate kare to unko aap bahut achche lagenge.

   # Feedback lena hai behad zaruri

Log aap ke baare mein kya kehte hai aur sochte hai us ko aap feedback samajhiye aur yeh prayas kare ki aap ke negative points ko aap kaise nikal de aur apne personality ko aur jyaada kaise develop kare. Jaise aap ka maturity level badhega to aap ka personality bhi well-rounded hota jayega aur aap sabhi circles mein welcome honge.

Dosto., Ye post aapko kaisa lga., please apna feedback cooment me zarur de., or agar aapke pas bhi koi intresting valuble hindi post hai to hme email me bheje, hum aapke post ko HindiBhandar me shamil krenge.. Thank you. :)

English Bolna Kaise Sikhe : कैसे सीखे इंग्लिश बोलना

English kaise sikhe ???? Hindi hamari matrubhasha hai magar sabhi rajyo mein nahi chalti hai na to sare duniya mein. English ek bhasha hai jo maximum upyog mein hai. Yehi nahin, business ka language hai angrezi. Career mein bhi agar pragati chate hai to aap ko angrezi bolna likhna aana chahiye. Agar aap ko english medium mein padhai karne ka sadbhagya nahi tha to nirash hone ki jaroorat nahin hai. Aap chahe to angrezi mein aap fluent ban sakte hai aur aasaani se angrezi bol payenge agar aap lage rehenge to. 

Koi bhi bhasha main aap ko mahir banna hai to 5 basic cheez dhyan mein rakhe aur practice kare:

   1.) Think in English: Angrezi mein hi soche. Apne andar aap dekhenge to aap ke vichar dhara aap ki matrubhasha mein hoti hai. Is ko badal ke aap vicharo ko bhi angrezi mein hi sochiye.

   2.) Talk English: Kisi ke saath baat kare, khaas kar ke apne family mein, to sirf angrezi ka hi istemal kare. Ghar se achcha aur kaunsa mahol ho sakta hai practice ke liye? Ghar ke sadasya bhi aap ko support karenge. 

   3.) Listen English: Angrezi bolna seekhna hai to us ko sunne ki aadat daale.BBC ya aisa koi bhi radio station on kar ke sune, bhale aap aur koi kam kar rahe hai. English movies chalte ho to yeh TV par chalu kar ke rakhe aur sunte rahiye. Aisa karne se aap ke dimag mein shabdo  ka upyog aur kahan par emphasis karna hai yeh aap jaan jaayenge aur pronounciation ka pata chalega. Hindi ya aur bhi koi sanskrit base bhasha mein syllables jaise likhe hai aise  pronounce hote hai magar angrezi ki baat alag hai. English kaise sikhe

   4.) Read English: Textbook aur serious matter padhne mein dilchaspi na ho to novels hi sahi magar angrezi mein padhne ke aadat daale.Is ka karan hai ki jab aap koi bhi dilchasp baat padhenge angrezi mein to angrezi shabd aur vakya rachna aap ke dimag mein baith jaayega. 

   5.) Write English: Har roj ek ya do page mein kisi bhi vishay par aap apne vichar likhne ki aadat daale to aap ka vocabulary aur sentence construction capability badhega.

Angrezi bolne-likhne ka seekhne ka ek tarika hai formal jis mein aap classes attend karenge aur lessons ka systematic abhyas karenge. Is se pragati jaldi nahin hota hai. 

Aisa sangat dhoondhe jahan sirf angrezi boli jaati hai

Angrezi mein hi bolna hai to phir aise sangat dhoondhe jaha sabhi log angrezi mein hi baat cheet karte hai. Jab aap ko majbooran angrezi mein hi communicate karna hai to aap ka dimag bhi shabdo ka upyog aur vakya rachna karne mein train ho jaayega. Aap ne yeh mark kiya hoga ki agar koi foreigner India mein rehne lagta hai to ek hi saal mein voh hindo bolne lag jaata hai. Jab aap aisa sangat pasand karenge to svabhavik hai ki aap angrezi bhi sunte rahenge.
 

Angrezi padhne ki aadat daale

Ho sake vahan tak hindi ya aap ki matrubhasha mein padhna kam kar de aur jo kuch bhi padhna hai uska angrezi version dhoondh le, jaise ki newspaper, jo angrezi pasand kare.  Agar aap angrezi seekh rahe hai to shayad newspaper aap ke liye tough hoga to phir bachcho ke liye jo books hai saral angrezi bhasha main to aise kitab padhne ki aadat daale, sharmaiye nahin. Aloud reading ki practice rakhe to achcha hoga. Choti choti kahaniya padhe. Us ko samajhne ke baad aap apne shabdo mein hi varnan kare. Aine ke saamne khade rehke us kahani apne shabdo mein bolne ki koshish kare to aap ka confidence bhi badhega aur practice hoga angrezi bolne ka. 

Vocabulary badhaye

Har roj tay karle ki aap 10 naye angrezi shabd learn karenge. Shabdo ka arth janna hi nahin, balke us ka upyog bhi karte aana chahiye isiliye har ek shabd ko ho sake itne alag vakyon mein istemal kare aur likhne ke saath padhne ka bhi rakhe. Vaakyo ko likhe aur, is se jyada mahatvapoorna, har ek vakya ko aloud padhiye.
 

Angrezi seekhne vaalo ka sangat kare

Shayad jo already proficient hai angrezi mein, unke saath baat karne mein aur unki baate sunne mein taklif ho isiliye jo seekh rahe hai un ka sangath banaye aur practice kare. Ek group banaye. Har ek member ek topic par koi matter taiyar kare aur us par bole. Conversation practice bhi kare.
 

Audio visual

Language learning mein audio visual ka kaafi mahatva purna bhaag hai. Chote bache ko koi image dikhaya jaata hai aur use bataya jaata hai ki voh cheez kya hai. Aap bhi aisa hi kuch tarika aajmaaye aur jo bhi cheez aap dekhe ya jis ke baare mein vichar aaye to angrezi mein us ka varnan kare. 

Grammar

Angrezi mein fluency paane mein ek rukavat jo aap maante hai voh hai grammar. Aisi faimi hai ki jab aur jis din se aap angrezi bolna shuru kara to grammatically perfect ho. Angrezi aur hindi ki vakya rachna alag hai jaise ki subject-verb-object arrangement main dono mein fark hai. Aise hi grammar ke kai rules hai. Agar aap sabhi rules seekhne jaayenge to aap ko mental block aa jayega. Angrezi mein fluency agar aap chahte hai to grammar ki parvah na kare. Aap ke brain ko train kare ki vicharo ko angrezi shabdo mein pragat kare. Grammar seekhne ke liye kaafi time hai. Pehle aap fluent ho jaaiye, grammar ki parvah kiye bina. Yeh ek important point hai. Himmat rakhiye, grammar ko ek side mein rakhe aur tooti footi hee sahi magar angrezi bolte ban jaaiye. Agar aap ne vocabular ka adhyayan jaari rakha hai to aap ko shabh chunne mein jyaada taklif nahin hoga. Grammar ek bada issue nahin hai jabaap seekh rahe hai.

Guru

Agar aap ko koi angrezi guru mil jaaye to bahut hi achcha hai kyonki voh aap ko sahi margdarshan dega aur us ke advice se aap angrezi mein maahir ho jaayenge. Guru ho to aap ko batayega kaha aap galat kar rahe hai aur aap ko tips dega jo aap ke liye behtar hai.

Angrezi koi lesson ya study material nahin hai

Agar aap aisa approch rakhenge ki bas 10 minute ya 30 minute ka practice ho gaya to baat khatam, to baat nahin banti hai. Angrezi 24 ghante aap ke consciousness mein hona chahiye aur practice chalu hona chahiye.

Lage raho munna bhai

Angrezi ek din main nahin aayegi. Angrezi ke peeche constant mehnat karna padta hai. Shuru mein aisa lagega ki aap ko yeh bahut kathin lagta hai aur aap sochenge ki is ko ek baaju mein rakh de. Aisa na kare. Har roj aap lage rahiye. Ek saal mein aap kahan se kahan pahunch jaayenge aur aap garv anubhav karenge aap ke pragati par.

Dosto., Ye post aapko kaisa lga., please apna feedback cooment me zarur de., or agar aapke pas bhi koi intresting valuble hindi post hai to hme email me bheje, hum aapke post ko HindiBhandar me shamil krenge.. Thank you. :)

Demo

Testing part 2

Welcome

Welcome to Hindi Bhandar Blog.. :)